بسم الله الرحمن الرحيم
السلام عليكم
شباب هالسالفة صارت لناس كثيييير وأتمنى منكم كلكم المساعدة في نشر هالموضوع

السالفة انه جماعة نصابين يبيعونك آي فون بسعر رخيص بس طبعا مثل ماقلت نصابين وهالسالفة صارت لي وبدل ماأحكي لكم نقلت لكم السالفة من منتدى آخر لشخص آخر بس نفس عملية النصب بالضبط


شركة الشحن في بريطانيا (( نصب و احتيال حاسبوا منها )) وهذا موقعهم www.tracitservices.com

هالسالفة من بداية السنه الجديدة 2010 يعني من شهر

واحد تاجر هندي عرض البيع تلفونات جديدة بأسعار رخص تراب بوايد

و طلبت واحد بلاك بيري بولد 9000 كان سعره حوالي بـ 800 او 900 ريال و الشحن بـ 100 ريال

قبل اطرشله الفلوس طلبت منه صورة جوازه قال اوكي و طرش على طول عشان اضمن

ثاني يوم طرشت له و تاجر هندي استلم الفلوس و خلص اجراءات الشحن و عطاني رقم طلب الشحن مع اسم الموقع www.tracitservices.com بس دخل رقم الطلب بتعرف وين وصل غرضك وانا ما سمعت هالشركة من قبل.

تاجر هندي قالي بيوصلك بعد يومين او ثلاث لأستلام غرضك قلت اوكيز

بعد يومين قلت خلني اشيك غرضي دخلت الموقع و حطيت رقم الطلب

و فجأة طرشلي 6 حبات بلاك بيري بولد و وصل مطار دبي و علق هناك عشان تدفع الباقي

على طول تصلت تاجر هندي و رد علي طول و قلت له السالفة

يقول المندوب طرش بالغلط 6 حبات و بعطيك خصم قلت له كم ؟

قال 2000 ريال و بطرشونك على طول

قلت يلا 2000 ريال على 5 حبات زيادة حلو اخذهم و اعطي اهلي و طرشت له بعد يومين.

و فجأة الشحن يقول عليك غرامة فستغربت ما خبر في غرامات في الشركات الشحن عشان الاغراض قعدت في الستور 4 ايام و قالوا لازم تدفع بتزيد غرامات عليك و غرامة كانت 1000 ريال قلت يلا خلني افتك دفعت وخلصت .

الشركة طالبه لازم تدفع رسوم الطلب 500 ريال ولازم ولازم.. عاد هني قفلت

زهقت و انا ادفع بعدين فهمت تاجر هندي و شركة الشحن متفقين ان يستغلون و الدليل تصلت عالهندي ما يرد علي و طرشت ايميل عالشركة الشحن انكم مخادعين و كذابين اصلا انتوا ما طرشتوا الاغراض انا عرفت و اكتشفت بعد كل هذا الشركة ما ردت علي كلش معنى انا اخترعت قصة من عندي.

هالدليل انهم نصابين و حراميه صج خسرت حوالي 5000 ريال بس الحمدلله على كل حال و الله يعوضني.

فحبيت اخبركم هالموضوع عشان تحاسبون من عيال الحرام


وأرجو نشر هذ1 الفيديو إلى الجميع , ماأـوقع ان في أحد منكم يرضى أن واحد من أخوانه المسلمين يتأذى وخصوصا من واحد أجنبي لا ويقولي انه مسلم الله وأكبر







<object width="500" height="405"><param name="movie" value="http://www.youtube.com/v/zTuggGZiYE4&hl=en_US&fs=1&border=1"></param><param name="allowFullScreen" value="true"></param><param name="allowscriptaccess" value="always"></param><embed src="http://www.youtube.com/v/zTuggGZiYE4&hl=en_US&fs=1&border=1" type="application/x-shockwave-flash" allowscriptaccess="always" allowfullscreen="true" width="500" height="405"></embed></object>

السلام عليكم
كيفك اخوي
سعداء بانضمامك
ولهذا السبب منذ افتتاح عرب ايفون كنت ولازلت اغلق كل مواضيعهم هنا بالموقع لانهم نصابين
وعلمت الكثير من القصص عن نصبهم
جزاك الله عنا كل خير يارب